Nizami bələdiyyəsi əməkdaşları və üzvləri 1 İyun - Uşaqların Beynəlxalq Müdafiəsi Günü münasibətilə “Qayğı” reabilitasiya mərkəzini ziyarət ediblər.
Ziyarət zamanı mərkəzdə uşaqlara yaradılmış şəraitlə tanış olublar, uşaqlarla görüşüblər, onları 1 iyun - Uşaqların Beynəlxalq Müdafiəsi Günü münasibətilə təbrik ediblər.

Tariximizin ən şanlı və parlaq səhifəsi 28 May-Müstəqillik Günü!
Bu gün – 28 May tarixində Azərbaycan xalqı öz şanlı tarixinin ən önəmli səhifələrindən birini – Respublika Günü, yəni Müstəqillik Gününü qeyd edir. 1918-ci ilin məhz bu günündə Azərbaycan Xalq Cümhuriyyəti yaradıldı və xalqımızın azadlıq idealları rəsmi dövlətçilik formasına çevrildi.
Müstəqilliyin əsası özünəməxsusluqdur. Müstəqil dövləti olmaq, müstəqil dövlətdə yaşamaq səadətdir. Qüdrətli və möhkəm dövlət olmadan müstəqilliyi də əldə saxlamaq mümkün deyil. Xalqımızın tarixi azadlıq, müstəqillik uğrunda çətin və şərəfli mübarizələrlə zəngindir. Ötən əsrdə dövlət müstəqilliyini iki dəfə elan edən dövlətimiz üçün bu tarixdə bir mücadilə olub: nə olursa-olsun, müstəqil dövlət olmaq!
Azərbaycan Xalq Cümhuriyyəti Şərqdə ilk parlamentli respublika kimi tarixə düşdü və cəmi 23 aylıq fəaliyyəti ilə müstəqil dövlət quruculuğunun əsasını qoydu. Cümhuriyyətin irsini bu gün müstəqil Azərbaycan dövləti uğurla davam etdirir.

Nizami Bələdiyyəsi adından xalqımızı bu əlamətdar gün münasibətilə təbrik edir, dövlətçiliyimizin əbədi və sarsılmaz olmasını arzulayırıq.

Qoy bayrağımız daim ucalarda dalğalansın, istiqlalımız əbədi olsun!

Nizami bələdiyyə üzvü,
Bakı Şəhəri Tibbi Bədən Tərbiyəsi Dispanserinin baş həkimi Məmmədova Aysel.

Müstəqilliyimiz Azərbaycan xalqının tarixi nailiyyətidir.
1918-ci il mayın 28-də Azərbaycan Xalq Cümhuriyyətinin Milli Şurası İstiqlal Bəyannaməsini imzalamaqla Azərbaycanın müstəqilliyini dünyaya bəyan etmiş, xalqımızın çoxəsrlik dövlətçilik ənənələrini davam etdirmişdir. Qısa dövr ərzində Azərbaycanın ilk parlamenti, hökuməti yaradılmış, dövlət atributları təsis olunmuş, sərhədləri müəyyən edilmiş, dövlət quruculuğu sahəsində mühüm tədbirlər həyata keçirilmişdir. Cümhuriyyətin beynəlxalq münasibətlər sisteminin subyekti kimi tanınması, diplomatik müstəvidə milli maraqların qorunması istiqamətində mühüm addımlar atılmışdır. Yeni fəaliyyətə başlamış parlamentin qəbul etdiyi qanunlar milli müstəqilliyin möhkəmləndirilməsində, ölkədə siyasi, iqtisadi və mədəni inkişafın təmin olunmasında, demokratik prinsiplərin təsbit edilməsində əsaslı rol oynmışdır.
Müstəqil Azərbaycanın Prezident İlham Əliyevin rəhbərliyi ilə qazandığı ən böyük uğur isə, heç şübhəsiz ki, öz gücünə ərazi bütövlüyünü və suverenliyini tam təmin etməsidir. Bu, müzəffər Ordumuzun 2020-ci ildə 44 günlük Vətən müharibəsində və 2023-cü ildə 23 saatlıq lokal xarakterli antiterror tədbirlərində qazandığı şanlı qələbələr sayəsində mümkün oldu. Bu zəfərlər son 200 illik tariximizin ən böyük qələbələridir. Bütün bunlar, həmçinin Böyük Qayıdış proqramının uğurla rallaşdırılması müstəqil Azərbaycanın gücünün və əzminin təntənəsidir!
Müstəqillik Günü münasibətilə Nizami rayon Bələdiyyəsi adından sizləri səmimi qəlbdən təbrik edir, xalqımızın və dövlətimizin əbədi müstəqilliyi, tərəqqisi və əmin-amanlığı naminə gördüyünüz bütün işlərdə yeni-yeni uğurlar, möhkəm cansağlığı və firavanlıq arzulayıram!

Bakı şəhər Nizami Bələdiyyə üzvü,
SOCAR Downstream Management Şirkəti-İnzibati sənəd dövriyyəsi üzrə kiçik mütəxəssis, Abdurrahmanova Nailə.

Müstəqilliyimiz əbədidir, dönməzdir, sarsılmazdır!

Ulu Öndər Heydər Əliyev: “Müstəqilliyi qorumaq, saxlamaq o müstəqilliyi əldə etməkdən qat-qat çətin bir vəzifə idi.”
Azərbaycan xalqı 1918-ci il mayın 28-də özünün və Şərqin ilk demokratik, hüquqi, dünyəvi və parlamentli respublikasını yaradıb. Şərqdə və müsəlman aləmində ilk demokratik dövlət quruluşunu yaratmış Azərbaycan Xalq Cümhuriyyəti istiqlaliyyətimizi elan edərək, xalqımızın müstəqillik əzmini nümayiş etdirmişdir. 1918-ci il mayın 28-də Azərbaycan Xalq Cümhuriyyətinin Milli Şurası İstiqlal Bəyannaməsini imzalamaqla Azərbaycanın müstəqilliyini dünyaya bəyan etmiş, xalqımızın çoxəsrlik dövlətçilik ənənələrini davam etdirmişdir. Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti öz müqəddəratını təyin etməyə qadir olduğunu nümayiş etdirdi. Cəmi 23 ay mövcud olmuş Azərbaycan Xalq Cümhuriyyəti müsəlman Şərqində demokratiya ənənələrinin formalaşmasına əhəmiyyətli təsir göstərmişdir. Qısa dövr ərzində Azərbaycanın ilk parlamenti, hökuməti yaradılmış, dövlət atributları təsis olunmuş, dövlət quruculuğu sahəsində mühüm tədbirlər həyata keçirilmiş, Cümhuriyyətin beynəlxalq münasibətlər sistemində tanınması, diplomatik müstəvidə milli maraqların qorunması istiqamətində mühüm addımlar atılmışdır. Yeni fəaliyyətə başlamış parlamentin qəbul etdiyi qanunlar milli müstəqilliyin möhkəmləndirilməsində, ölkədə siyasi, iqtisadi və mədəni inkişafın təmin olunmasında, habelə demokratik prinsiplərin təsbit edilməsində əsaslı rol oynamışdır.Azərbaycan vətəndaşlığı institutunun təsis edilməsi, milli ordunun yaradılması kimi faktlar dövlətçilik ənənələrinin formalaşmasında mühüm rol oynayıb.
Qısa müddət ərzində olduqca mütərəqqi sayılan müddəaları özündə əks etdirən çoxsaylı qanunlar qəbul olunmuşdur.Azərbaycan Xalq Cümhuriyyəti hökumətinin xarici siyasətinin başlıca məqsədi yeni yaradılmış dövləti dünyaya tanıtmaq idi. Milli hökumətin qarşısında dayanan əsas vəzifələrdən biri Paris Sülh Konfransında, dünyanın siyasi nizamının yenidən quruluş aldığı bir zamanda müttəfiq dövlətlər tərəfindən Azərbaycan Xalq Cümhuriyyətinin tanınmasını, habelə dünyanın aparıcı dövlətləri ilə diplomatik əlaqələrin yaradılmasını təmin etmək idi. Buna görə də ilk növbədə, Avropanın bir sıra ölkələrinə yeni bir dövlətin qurulması barədə rəsmi məlumat göndərildi. Dünya birliyi tərəfindən tanınan Xalq Cümhuriyyətinin fəaliyyəti sayəsində ölkəmizin beynəlxalq hüququn subyekti olması 1920-ci ilin aprel ayında bolşevik işğalından sonra Azərbaycanın bir dövlət kimi dünyanın siyasi xəritəsindən silinməsinin qarşısını aldı. Avropanın demokratik dəyərləri ilə Şərq mədəniyyətinin xüsusiyyətlərini özündə birləşdirən Azərbaycan Xalq Cümhuriyyəti xalqımızın milli və siyasi şüurunun, yüksək mədəniyyətinin nəticəsi idi. Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti xalqın milli mənlik şüurunu özünə qaytardı, onun öz müqəddəratını təyin etməyə qadir olduğunu nümayiş etdirdi.
Cəmi 23 ay ömür sürmüş Azərbaycan Xalq Cümhuriyyəti dövlətçilik tariximizin şanlı səhifəsini təşkil edir.
XX əsrin sonlarında müstəqilliyinə yenidən qovuşan Azərbaycan Ulu Öndər Heydər Əliyevin məsuliyyəti, siyasi iradəsi və fədakarlığı sayəsində öz dövlətçiliyini qoruya bildi. suverenliyini qoruyub saxlamağı bacardı. Çətin siyasi-iqtisadi dövrdə hakimiyyətə qayıdan Ulu Öndər Heydər Əliyev Azərbaycan dövlətçiliyinin qorunması üçün qətiyyətli tədbirlər gördü, ölkədə davamlı ictimai-siyasi sabitliyi bərqərar etdi. Müstəqilliyin əldə edilməsi mürəkkəb bir proses olsa da onu qoruyub saxlamaq daha çətin, məsuliyyətli bir işdir. Həmin dövrdə Ermənistanın Azərbaycan torpaqlarına təcavüzü bir tərəfdən, daxili münaqişələr digər tərəfdən ölkəni çətin bir vəziyyətə salmışdı. Məhz belə bir şəraitdə xalqın təkidi ilə hakimiyyətə gələn Ulu Öndər dövlətimizin və dövlətçiliyimizin xilaskarı oldu.
Azərbaycan dövləti, müstəqil Azərbaycan Respublikası 1918-ci ildə yaranmış Xalq Cümhuriyyətinin varisidir. 2021-ci il 15 oktyabr tarixində “Müstəqillik günü haqqında” Azərbaycan Respublikasının Qanunu qəbul olmuşdur. Sözügedən Qanunla 28 May Müstəqillik Günü, oktyabrın 18-i isə Müstəqilliyin Bərpası Günü elan edilmişdir. 28 may tarixinin Müstəqillik Günü, 18 oktyabr tarixinin isə Müstəqilliyin Bərpası Günü kimi təsbit olunması Azərbaycanın dövlət suverenliyinin məhz 1918-ci ildə bərqərar olunması faktına əsaslanır. Bu, ərazi bütövlüyünü bərpa etmiş müasir Azərbaycanın 1918-ci ildə qurulmuş Azərbaycan Xalq Cümhuriyyətinin tamhüquqlu varisi olduğunu göstərir.
Azərbaycan Prezidenti İlham Əliyev:“Azərbaycan Xalq Cümhuriyyətinin yaradılması tarixi hadisə idi. Çünki ilk dəfə olaraq müsəlman aləmində demokratik respublika yaradılmışdı. Biz haqlı olaraq fəxr edirik ki, məhz Azərbaycan xalqı müsəlman aləmində ilk demokratik respublikanın yaradılmasının müəllifi olmuşdur.”
Bu gün müstəqil Azərbaycan möhtərəm Prezidentimiz, cənab Ali Baş Komandan İlham Əliyevin rəhbərliyi ilə tarixinin ən güclü və qüdrətli dövrünü yaşayaır. Tarixi müstəqillikdən Şanlı Zəfərə doğru qalibiyyət yolu keçmiş Qalib Azərbaycan regionun ən güclü dövlətinə çevrilib.
Müstəqilliyimiz əbədidir, dönməzdir, sarsılmazdır! Yaşasın güclü, müstəqil Azərbaycan!.
Bakı şəhər, Nizami Bələdiyyəsinin sədr müavini Yeganə Abbasova.

Nizami Rayon İcra Hakimiyyətinin təşkilatçılığı ilə 15.05.2025-ci il tarixində “Konstitusiya və Suverenlik İli” çərçivəsində 15 may Beynəlxalq Ailə Günü münasibətilə 250 saylı tam orta məktəbdə valideynlərin, müəllim və şagirdlərin iştirakı ilə “Ailə dəyərləri, sağlam ailə sağlam cəmiyyət” mövzusunda tədbir keçirilib.
Tədbirdə Nizami Rayon İcra Hakimiyyəti başçısı aparatının İctimai-siyasi və humanitar məsələlər şöbəsinin müdiri Bəhman Hüseynov, Nizami Bələdiyyəsinin sədr müavini Yeganə Abbasova, Bakı şəhər Baş Polis İdarəsinin Dövlət Yol Polisi İdarəsinin inspektoru Pərvanə Muradova və 250 saylı tam orta məktəbin direktoru Gülanə Əliyeva çıxış ediblər.
Çıxış edənlər Azərbaycan dövlətinin ailə siyasətinin əsas prinsiplərinin formalaşmasında, milli-mənəvi dəyərlərimizin qorunmasında, yaşadılmasında və zənginləşməsində Ümummilli Lider Heydər Əliyevin əvəzsiz xidmətlərindən, eyni zamanda Azərbaycan Respublikasının Prezidenti cənab İlham Əliyev və Birinci Vitse-prezident Mehriban xanım Əliyeva tərəfindən ölkəmizdə ailə institutunun inkişafına göstərilən qayğı və diqqətdən, bu sahədə həyata keçirilən davamlı və məqsədyönlü dövlət siyasətindən ətraflı məlumatlar veriblər.
Tədbirin sonunda 250 saylı tam orta məktəbin şagirdlərinin ifasında “Mənim ailəm” adlı kompozisiya nümayiş olunub.

Azərbaycan xalqının ümummilli lideri, müdrik rəhbər və dahi şəxsiyyət Heydər Əlirza oğlu Əliyevin əziz xatirəsi Azərbaycan xalqının qəlbində əbədi yaşayacaqdır

08.05.2025-ci il tarixində Nizami Rayon İcra Hakimiyyəti və YAP Nizami rayon təşkilatının birgə təşkilatçılığı ilə “Konstitusiya və Suverenlik İli” çərçivəsində geniş rayon ictimaiyyətinin iştirakı ilə “Ümummilli Lider Heydər Əliyev – tarix yazan və yaradan Dahi Şəxsiyyət” mövzusunda konfrans keçirilib.

İlk öncə konfrans iştirakçıları Ümummilli Lider Heydər Əliyevin büstü önünə əklil və güllər qoyaraq əziz xatirəsini dərin ehtiramla yad edib, Ulu Öndər Heydər Əliyevin həyat və fəaliyyətini əks etdirən fotosərgi ilə tanış olublar.

Azərbaycan Respublikasının Dövlət Himninin səslənməsi ilə başlayan tədbirdə Ulu Öndər Heydər Əliyevin, eləcə də ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib.Sonra Ümummilli Liderin həyat və fəaliyyətindən bəhs edən videofilm nümayiş olunub.

Konfransda Azərbaycan Respublikası Milli Məclis sədrinin birinci müavini, Yeni Azərbaycan Partiyasının sədr müavini Əli Əhmədov, Nizami Rayon İcra Hakimiyyətinin başçısı Coşqun Cəbrayılov, Azərbaycan Respublikası Ailə, Qadın və Uşaq Problemləri üzrə Dövlət Komitəsi sədrinin müavini, Yeni Azərbaycan Partiyası Veteranlar Şurasının sədr müavini Sədaqət Qəhrəmanova və Milli Məclisin deputatı Könül Nurullayeva çıxış ediblər.

Bu gün müasir Azərbaycan dövlətinin memarı və qurucusu, xalqımızın və dövlətimizin müstəqilliyi, inkişafı naminə böyük xidmətlər göstərmiş Ümummilli Lider Heydər Əliyevin anadan olduğu gündür. Müasir Azərbaycan tarixindən söhbət düşəndə öncə gözümüzün önündə bütün həyatını xalqının xoşbəxtliyinə həsr edən Heydər Əliyev canlanır.

Azərbaycanın inkişaf prosesinin əsasını qoyan, müstəqil Azərbaycan dövlətinin memarı və qurucusu olan Ulu Öndər Heydər Əliyev xalqımızın qəlbində daim yaşayır və yaşayacaqdır.

Yeni Azərbaycan Partiyası (YAP) Nizami rayon təşkilatı “Konstitusiya və Suverenlik İli” çərçivəsində Ümummilli Lider Heydər Əliyevin anadan olmasının 102-ci ildönümü münasibətilə Bilik yarışı keçirib.
Yarışda Nizami rayonu üzrə 26 təhsil müəssisəsindən 200-dək nümayəndə iştirak edib. Onlar 5 nəfər əsas, 2 nəfər isə ehtiyat olmaqla 27 komanda şəklində mübarizə aparıblar.

Tədbirdə YAP Nizami rayon təşkilatının sədri Ramil Vəlibəyov, Nizami Rayon İcra Hakimiyyəti başçısının müavini İldırım Mehdiyev, Nizami bələdiyyəsinin sədri Vüqar Quliyev və başqaları iştirak ediblər.

Tədbir sonunda qaliblərə diplomlar, medallar, hədiyyələr və kubok təqdim təqdim olunub.

Azərbaycan Respublikası Prezidentinin 2024-cü il 28 dekabr tarixli Sərəncamı ilə təsdiq edilmiş, Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə əlaqədar tədbirlər planına uyğun olaraq Nizami Rayon İcra Hakimiyyəti başçısının birinci müavini Könül Həsənova çıxış edərək,Nizami rayon məktəbliləri arasında təşkil olunmuş rəsm müsabiqəsi tədbirini açıq elan edib.
Ümumilikdə müsabiqədə rayon üzrə 24 tam orta məktəb üzrə iştirak edən 50 nəfər məktəbli verilən vaxt ərzində çəkdikləri rəsm əsərləri Münsiflər Heyyətinin qərarı ilə qiymətləndirilib.
Tədbirin sonunda qalib seçilmiş və fərqlənən məktəblilər Nizami Rayon İcra Hakimiyyəti tərəfindən mükafatlandırılıblar.
Nəticə olaraq deyə bilərik ki, bu sahədə ardıcıl olaraq təşkil olunan tədbirlər məktəblərin yaradıcılıq sahəsində qabiliyyətlərinin üzə çıxarılması baxımından xüsusi əhəmiyyət kəsb edir. Beləliklə də, ümumtəhsil məktəblərinin şagirdləri və uşaq-gənclər inkişafı üçün geniş imkanlar açır.

Nizami bələdiyyəsində bələdiyyə əməkdaşları ilə Azərbaycan Respublikası Prezidentinin 2024-cü il 28 dekabr tarixli Sərəncamı ilə təsdiq edilmiş, Azərbaycan Respublikasında 2025-ci ilin “Konstitusiya və Suverenlik İli” elan edilməsi ilə əlaqədar "Dövlətçilik irsi,Konstitusiya və suverenlik prinsipləri" mövzusunda dəyirmi masa keçirilib.
Əvvəlcə Ulu Öndər Heydər Əliyevin və Azərbaycan Respublikasının müstəqilliyi və suverenliyi uğrunda canlarını qurban vermiş Şəhidlərimizin əziz xatirəsi bir dəqiqəlik sükutla yad edilib.
Nizami bələdiyyəsinin Sədri Vüqar Quliyev çıxış edərək, Konstitusiyanın hazırlanması və qəbulu o zaman Azərbaycana rəhbərlik edən Ulu Öndər Heydər Əliyevin iştirakı ilə həyata keçirildiyini və SSRİ Konstitusiyasına uyğunlaşdırılmasına baxmayaraq, 11 bölmə, 22 fəsil və 185 maddədən ibarət olan bu Konstitusiya əvvəlkilərdən fərqli olaraq öz müsbət və həmin dövr üçün cəsarətli, mütərəqqi müddəaları ilə seçildiyini qeyd edib.
Daha sonra Sədr Vüqar Quliyev və digər natiqlər Heydər Əliyevin dövlətçilik irsinin, Konstitusiya və suverenlik prinsiplərinin ölkəmizin inkişafında mühüm rolunu vurğulayaraq, Azərbaycanın müstəqilliyini möhkəmləndirən Konstitusiya islahatlarının hüquqi sistemin sabitliyinə əsaslandığını da qeyd etdilər. Dəyirmi masa ətrafında Nizami bələdiyyəsinin əməkdaşları ilə, bundan sonra da Azərbaycanın beynəlxalq arenada daha güclü mövqeyə sahib olacağı və öz suveren hüquqlarını qorumaq istiqamətində lazımi mövqe tutacağı barədə geniş fikir mübadiləsi aparılıb.