 Bu gün - 20 sentyabr Azərbaycanda Xankəndi, Xocalı, Xocavənd və Ağdərə şəhərləri günüdür.AZƏRTAC xəbər verir ki, bu günün qeyd edilməsi ilə bağlı Prezident İlham Əliyev sentyabrın 18-də Sərəncam imzalayıb. Xatırladaq ki, Vətən müharibəsindəki Zəfərin davamı olaraq 2023-cü il sentyabrın 19-20-də Azərbaycan Ordusunun apardığı birgünlük lokal xarakterli antiterror tədbirləri nəticəsində ölkəmiz suverenliyini tam bərpa etdi. Azərbaycan Müdafiə Nazirliyinin məlumatına görə, cəmi bir sutkaya yaxın müddət ərzində 406 kvadratkilometr ərazi yad ünsürlərdən təmizlənərək Ordumuzun tam nəzarəti altına alındı. Əməliyyat zamanı düşmən ölən 310 nəfər və yaralı 614 nəfər olmaqla xeyli canlı qüvvə itirdi. Ordumuzun dəqiq zərbələri nəticəsində düşmənin 8 tankı, 22 artilleriya qurğusu, 14 minaatanı, 3 zenit kompleksi, 8 radioelektron mübarizə vasitələri, 9 hərbi nəqliyyat vasitəsi olmaqla çoxsaylı silah və texnikası məhv edildi. Bundan başqa, 1731 müxtəlif döyüş texnikası, eləcə də 18 min 664 atıcı silah ələ keçirildi. Beləliklə, Azərbaycan ərazisində qurulmuş separatçı rejimin fəaliyyətinə son qoyuldu. Ermənistan silahlı qüvvələrinin qalıqları və qeyri-qanuni silahlı dəstələri tərk-silah edilərək ərazilərimizdən çıxarıldı, respublikamızın suverenliyi tam təmin edildi, bütün ölkə ərazisində Konstitusiya quruluşu bərpa olundu. Azərbaycan Prezidenti, Silahlı Qüvvələrin Ali Baş Komandanı İlham Əliyev 2023-cü il oktyabrın 15-də Xankəndi, Xocalı, Xocavənd və Ağdərə şəhərlərində Azərbaycan Respublikasının Dövlət Bayrağını ucaltdı. Hazırda “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” uğurla icra olunur. Azad edilmiş ərazilərin bir çoxunda məcburi köçkünlərin qayıdışı təmin olunur, sakinlərin doğma yurd-yuvasına köçürülməsi davam edir. İndiyədək 2 min 117 ailə, o cümlədən Füzuli şəhərinə 822, Talış kəndinə 20, Ağalı kəndinə 175, Şuşa şəhərinə 210, Laçın şəhərinə 570, Sus kəndinə 59, Zabux kəndinə 217, Xocalı şəhərinə 44 ailə köçüb. |
 2022-ci il avqustun 26-da Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev bütün Azərbaycan xalqını sevindirdi: “Bu gün, avqustun 26-da biz – azərbaycanlılar Laçın şəhərinə qayıtmışıq. Azərbaycan Ordusu Laçın şəhərinə yerləşdi. Zabux və Sus kəndləri nəzarətə götürüldü. Bütün laçınlıları və Azərbaycan xalqını bu münasibətlə təbrik edirəm. Yaşasın Laçın! Yaşasın Azərbaycan!”. Dövlətimizin başçısı cənab İlham Əliyevin 2023-cü il iyulun 31-də imzaladığı Sərəncama əsasən Laçın şəhərinin işğaldan azad edildiyi 26 avqust tarixi Laçın şəhəri günü kimi qeyd olunur. Bu gün laçınlılar Laçın şəhəri gününü 30 il həsrətində olduqları doğma evlərində qürur və sevinc hissi ilə qeyd edirlər. |
  Görüşün məqsədi “Yaşıl Dünya Naminə Həmrəylik ili” elan olunması ilə bağlı COP29-un fəaliyyət istiqamətləri ,məqsədi , “Ətraf mühitin mühafizəsi haqqında”, “Yaşıllıqların mühafizəsi haqqında” və “Plastik və polietilen qablaşdırma tullantılarının ətraf mühitə və insan sağlamlığına mənfi təsirləri ,bu təsirlərin azaldılması və alternativ qablaşdırma materiallarından istifadənin əhəmiyyəti barəsində olmuşdur. |
| Nizami bələdiyyəsinin təşkilatçılığı ilə məktəblilər arasında “Mənim yaşıl dünyam” adlı rəsm müsabiqəsi keçirilib. Bu barədə məlumat adıçəkilən bələdiyyədən daxil olub. “Yaşıl dünya naminə həmrəylik ili” çərçivəsində təşkil edilən müsabiqədə Nizami rayon məktəblərində fəaliyyət göstərən rəsm kurslarının fəal şagirdləri iştirak edib. Sonda müsabiqə iştirakçılarına Nizami bələdiyyəsinin təşəkkürnamə və fəxri fərmanlarıyla təltif olunublar. Təqdimetmə mərasimində Milli Məclisin üzvü Könül Nurullayeva və Nizami Bələdiyyəsinin sədri Vüqar Quliyev iştirak edərək iştirakçılara ürək sözlərini çatdırıblar.         |
| "Şəhid ailələrinə və qazilərə qayğı ilə yanaşmaq, onlara lazımi maddi və mənəvi dəstək göstərmək hər bir bələdiyyənin sosial proqramlarının əsas tərkib hissəsi olmalıdır" - bu fikri Belediyye.infoya Nizami Bələdiyyəsinin sədri Vüqar Quliyev bildirib. Sədr bildirib ki, ölkəmizdə dövlətimiz tərəfindən vətəndaş rifahının yaxşılaşdırılması və həssas əhali qruplarının sosial müdafiəsinin gücləndirilməsi istiqamətində əhəmiyyətli işlər görülür və görülməkdədir. Dövlətimizlə bərabər, bələdiyyəmizdə humanist layihələrə dəstək verir, bu kateqoriyaya aid vətəndaşlara qayğı göstərirlər. Şəhid ailələri, qazilər və aztəminatlı ailələrə bayramlarda və əlamətdar günlərdə sovqatlar, hədiyyələr göndərilir, bayram süfrələri təşkil olunur. Layihə çərçivəsində bu gün ərzində 45 şəhid ailəsi və qaziyə ərzaq yardımı göstərilib. Sədr qeyd edib ki, bələdiyyə şəhid ailələrinə və qazilərə mütəmadi dəstək verməkdədir: "Bələdiyyəmizin əsas məqsədimiz əziz günlərdə onları yad etmək, mənəvi dəstək olmaqdır. Bu, hər bir bələdiyyənin müqəddəs borcudur"     |
| 2024-cü il Azərbaycanda “Yaşıl dünya naminə həmrəylik ili” elan edilib Nizami Bələdiyyəsi kollektivi tərəfindən ətraf mühitin sağlamlaşdırılması, yaşıllıqların bərpası və çiçək tinglərinin əkilməsi aksiyası keçirilib. Həyata keçirilən aksiya zamanı ərazidə təmizlik və abadlıq işləri apararaq müxtəlif cinsli ağaclar əkilib, yeni əkilən tinglər suvarılıb və ərazidəki digər ağaclara aqrotexniki qaydada qulluq göstərilib    |
    |
  |
         |
      |
