Dünya Azərbaycanlılarının Həmrəyliyi Günü münasibəti ilə 02 dekabr 2012-ci il tarixdə Nizami Rayon Bələdiyyəsi və Hədəf Kurslarının birgə layihəsi əsasında Nizami rayonunda təhsil alan 9, 10 , 11-ci sinif şagirdləri arasında “Çağdaş Azərbaycan” adlı bilik yarışması keçirilib.

Latviya Respublikasının Kekava Bələdiyyəsinin dəvətinə əsasən Nizami Bələdiyyəsinin Kekava şəhərində "Sport VIA Kekava 2012" festivalında iştirak etmişdir. Festivalda Latviyanı “Evrovision 2012” də təmsil edən Anmary kimi tanınan müğənni Linda Amantova da iştirak etmişdir.

Nizami Bələdiyyəsi 1 nömrəli Uşaq evinin "Arəzi" rəqs kollektivinin iştirakı ilə 15-17 iyun 2012-ci il tarixlərində Belarusiya Respublikası Braslav Rayon İcra komitəsinin dəvətinə əsasən Braslav şəhərində keçirilmiş beynəlxalq ənənəvi "Braslavskie zarnisi" adlı festivalda iştirak etmişdir.

2012-ci l 30-31 may tarixlərində Qırğızıstanın Bişkek şəhərində Türk Dünyası Bələdiyyələr Birliyi (Birlik), Qırğızıstan Respublikası Prezidenti yanında İdarəçilik Akademiyası, “Manas” Qırğız-Türk Universiteti, Bişkek şəhər meriyası, Beynəlxalq sosioloji assosiasiya və digər təşkilatların dəstəyi ilə “Dəyişən dünyada yerli özünüidarələrin müasirləşdirilməsi” mövzusunda Simpozium keçirilmişdir.

Azərbaycan Respublikasının Prezidenti İlham Əliyevin təşəbbüsü ilə 2011-ci il ölkəmizdə “Ekologiya ili” elan olunmuşdur. Həmin fərmana əsasən Nizami Bələdiyyəsi ətraf mühitin mühafizəsi və əhalinin sağlamlığı məsələlərinə diqqət yetirərək müxtəlif genişmiqyaslı aksiyalara başlamışdır.

“ Novruz bayramı” ilə əlaqədar olaraq 3 aprel 2012-ci ildə Nizami Bələdiyyəsində məktəblilərarası riyaziyyat fənni üzrə olimpiada keçirilmişdir.