23 iyun 2023-cü il tarixində Nizami Rayon İcra Hakimiyyəti, Yeni Azərbaycan Partiyası Nizami rayon təşkilatı, Azərbaycan Vətən Müharibəsi Veteranları İctimai Birliyi və İctimai Televiziya və Radio Yayımları Şirkəti birgə Azərbaycanın Milli Qəhrəmanı mayor Əlif Lətif oğlu Hacıyevin 70 illik yubileyinə həsr olunmuş tədbir keçiriblər.

Əvvəlcə Azərbaycan Respublikasının Dövlət Himni səsləndirilib, ölkəmizin ərazi bütövlüyü, suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib, İctimai Televiziya və Radio Yayımları Şirkətinin istehsalı olan “Xocalının Əlifi” sənədli televiziya filmi nümayiş etdirilib.

Sonra Nizami Rayon İcra Hakimiyyətinin başçısı Coşqun Cəbrayılov, Yeni Azərbaycan Partiyası Nizami rayon təşkilatının sədri Ramil Vəlibəyov, Azərbaycan Vətən Müharibəsi Veteranları İctimai Birliyinin sədri Füzuli Rzaquliyev, Azərbaycanın Milli Qəhrəmanı mayor Əlif Lətif oğlu Hacıyevin bacısı Şükufə Hacıyeva, “Xocalının Əlifi” sənədli televiziya filminin ssenari müəllifi Əlövsət Sadıqov çıxış ediblər.

Bildirilib ki, Əlif Lətif oğlu Hacıyev 1953-cü il iyun ayının 24-də Xocalı şəhərində doğulub, daxili işlər orqanlarında müxtəlif vəzifələrdə işləyib, Xocalı Təyyarə limanı Xətt Daxili İşlər bölməsinin rəisi, Xocalı Aeroportunun komendantı olub. Qarabağda fəaliyyət göstərən gizli erməni millətçi mərkəzini ifşa edən Əlif Hacıyev Xocalı soyqırımı zamanı düşmənlərə qarşı qəhrəmancasına vuruşaraq şəhid olub.

Çıxışlardan sonra Azərbaycan Vətən Müharibəsi Veteranları İctimai Birliyinin təsis etdiyi “Böyük Zəfər” medalı Azərbaycanın Milli Qəhrəmanı mayor Əlif Lətif oğlu Hacıyevin 70 illik yubileyi münasibətilə nəvəsinə təqdim olunub, gənc nəslin milli ruhda tərbiyə olunmasında və vətənpərvərlik dəyərlərinin təbliğində xidmətlərinə görə “Xocalının Əlifi” sənədli filminin yaradıcı heyətinə Fəxri Fərmanlar verilib.

Dünya avtomobil həvəskarlarının əsəs bayramı olan "Formula-1" Qran-prisinə ölkəmizin evsahibliyi etməsi qürur və sevindirici haldır
3 gün davam edən yarışı Nizami rayonundan şəhid ailələri və qazilər də qonaq qismində izləmişlər. Şəhid ailələri və qazilər bu diqqətə görə ölkə rəhbərliyinə xüsusi minnətdarlıqlarını ifadə ediblər.

Flaşmobda 300-dək gənc iştirak edib. Ulu öndər Heydər Əliyevin əziz xatirəsinə ehtiram əlaməti olaraq gənclər Ümummilli Liderin “imzası”, yubiley simvolu olaraq “100” və sonsuzluq formasında düzülüblər.
Bununla da gənclər bir daha 100 illik yubiley ərəfəsində ulu öndər Heydər Əliyevin xatirəsinə olan sonsuz sevgi və hörmətlərini diqqətə çatdırıblar.

Müsabiqədə rayon məktəblərində təhsil alan və ilkin seçim turundan keçmiş yeddi nəfər şagird iştirak edib. Şagirdlər Azərbaycana həsr olunan müxtəlif mövzularda öz bacarıqlarını nümayiş etdiriblər.
Sonda münsiflər heyətinin qərarıyla Gülməmmədova Xədicə Vaqif qızının çəkdiyi rəsm əsəri 1-ci yerə, Əfəndiyeva Yasəmən Natiq qızı 2-ci yerə, İsmayılova Nurcan Loğman qızının çəkdiyi rəsm əsəri isə 3-cü yerə layiq görülüb. Müsabiqənn qaliblərinə və iştirkaçılara pul mükafatları və diplomlar təqdim edilmişdir. İştirakçı diplomları Əsədova Gülay Qulu qızı, Rəsulzadə Nazlı Rahim qızı, Rəhimli Fidan İlkin qızı , İsmayılova Şəmsi Rəhman qızına təqdim edilmişdir.

Tədbirdə qonaq qismində Səbail rayonu Bibiheybət bələdiyyəsinin sədri Validə Həsənova, Keşlə bələdiyyəsinin sədri Ələmdar Bafadarov və “Bələdiyyələrin fəaliyyətinin təbliği” İctimai birliyinin sədri Vüqar Tofiqli iştirak edib.

Sonda müsabiqə iştirakçıları ilə xatirə şəkil cəkilib.

Tədbir BMT-nin Məskunlaşma Proqramı ilə Dövlət Şəhərsalma və Arxitektura Komitəsinin əməkdaşlığı çərçivəsində baş tutub. 2 gün davam edən Forum 5-6 oktyabr tarixlərində Ağdam və Bakı şəhərlərində baş tutub. Sözügedən Forum BMT-nin Məskunlaşma Proqramının (“UN-Habitat”) və Dövlət Şəhərsalma və Arxitektura Komitəsinin birgə əməkdaşlığı və Azərbaycan Diplomatik Akademiyasının (ADA Universiteti) təşkilati dəstəyi ilə həyata keçirilib. Azərbaycan Milli Şəhərsalma Forumunda (NUFA) diqqət təbii və texnogen xarakterli fövqəladə halların təsirinə məruz qalmış ərazilərdə yaşayış vasitələrinin bərpası və bu torpaqlara həyatın qaytarılması üçün Dayanıqlı İnkişaf Məqsədləri və Yeni Şəhər Gündəliyinin potensialından istifadəyə yönəldilib.
İlk Milli Şəhərsalma Forumunda 44 günlük Vətən müharibəsi nəticəsində işğaldan azad edilmiş Qarabağ və Şərqi Zəngəzur iqtisadi rayonlarında aparılan şəhərsalma, bərpa və quruculuq işlərinin, burada tətbiq olunan texnologiyaların, unikal təcrübənin və Azərbaycan həqiqətlərinin dünya ictimaiyyətinə çatdırılmasına xüsusi diqqət yetirilib.
NUFA forumunda qonaq qismində qardaş bələdiyyə nümayəndələri ilə yanaşı Bakı şəhər Nizami rayon icra hakimiyyəti başçısı cənab Coşqun Cəbrayılov da iştirak etmişdir. Forumun 2-ci günü Bakı şəhərində İçərişəhərdə yerləşən “Muğam” restoranında qonaqlara ziyafət təşkil edilmişdir. Ziyafət tədbirində dəvətli olaraq Bakı şəhər Nizami bələdiyyəsi ilə qardaş bələdiyyələr Türkiyə Cumhuriyyəti Bursa şəhəri Nilufer bələdiyyəsi başqan yardımçısı Remzi Çınar, Latviya Respublikası Riqa şəhəri Kekava bələdiyyəsi meri Juris Zilko ilə Bakı şəhər Nizami bələdiyyəsinin sədri Vüqar Quliyev iştirak etmişdir. Rəsmi nümayəndələr ziyafət tədbirindən sonra Nizami bələdiyyəsində qonaq olaraq, bələdiyyə binası ilə tanış olublar.